Author: Shqiperia Sot

Bujar Qamili, së fundmi ka rrëfyer një histori të pa treguar më parë të jetës së tij private.

I ftuar në emisionin ‘Glamour Zone’, këngëtari i mirënjohur shkodran, zbuloi për moderatoren Ester Bylyku, se shumë vite më parë u zhgënjye kur kapi mat ish të dashurën në krahët e një djali tjetër.

Ester Bylyku: A je zhgënjyer ndonjëherë nga ndonjë person që ti e ke dashur shumë?

Bujar Qamili: Kam patur dikur një të dashur, dhe e pash me dikë tjetër. Më zhgënjeu. Kam thënë: ” Si e bëri kjo këtë punë?”

Loredana Brati ka zbuluar sonte ne ‘Goca dhe Gra’ se është zyrtarisht “single”, pasi ka përfunduar një martesë që kishte zgjatur tre vite, raport i krijuar për letrat italiane.

“Po, sapo jam divorcuar. Martesa ishte për letra, zgjati tre vjet dhe javën e kaluar i dhashë fund,”- ka pohuar Loredana me sinqeritet.

Loredana Brati jep Lajmin per Jozin

Një ilaç i ri imunoterapie kundër kancerit ka ndihmuar pacientët me kancer në kokë dhe qafë të jetojnë dyfish më gjatë pa u rikthyer sëmundja.

Studiuesit e përshkruajnë këtë si përparimin më të madh në trajtimin e këtij lloji të kancerit në 20 vitet e fundit. Mijëra pacientë në mbarë botën mund të përfitojnë nga kjo terapi, e cila potencialisht do të ndryshojë rrënjësisht qasjen ndaj një sëmundjeje që deri më tani ka qenë tepër e vështirë për t’u trajtuar, shkruan BBC

Laura Marston, 45 vjeç, nga Derbyshire në Angli, është një nga mbi 350 pacientët që morën pjesë në provën klinike. Pas diagnostikimit me kancer të avancuar në vitin 2019, mjekët i dhanë vetëm 30% shanse për të mbijetuar pesë vitet e ardhshme. Sot, gjashtë vjet më vonë, ajo është në gjendje të mirë shëndetësore dhe vazhdon punën me kohë të plotë.

“Jam e habitur që jam ende gjallë,” – thotë Laura. “Kjo terapi më ka rikthyer jetën.”

Laura iu nënshtrua trajtimit me ‘pembrolizumab’, një ilaç imunoterapie që iu dha para dhe pas operacionit. Qëllimi ishte të aktivizohej sistemi imunitar që të njohë dhe luftojë kancerin në rast se ai rikthehet.

Rezultate që ndryshojnë jetën

Krahasuar me trajtimin standard, pacientët që morën pembrolizumab para dhe pas ndërhyrjes kirurgjikale jetuan, mesatarisht, pesë vjet pa rikthim të kancerit, krahasuar me vetëm 2.5 vjet tek grupi tjetër.

Gjithashtu, pas tre vitesh, rreziku për përhapjen e sëmundjes në pjesë të tjera të trupit u ul me 10%.

Profesor Kevin Harrington, udhëheqësi i studimit në Mbretërinë e Bashkuar, tha se “ilaçi ndihmon trupin të zhvillojë një reagim të fuqishëm imunitar kundër tumoreve, dhe e mban atë reagim aktiv edhe pas ndërhyrjes kirurgjikale.”

“Ky trajtim mund të ndryshojë rrënjësisht trajtimin e pacientëve me kancer në kokë dhe qafë. Ai e zvogëlon ndjeshëm rrezikun e përhapjes së sëmundjes, që është faza më e rrezikshme për jetën e pacientëve,” – tha Harrington.

Ilaçi që ‘i trajnon’ qelizat e trupit

Sekreti i suksesit, sipas studiuesve, është dhënia e ilaçit para operacionit, në mënyrë që sistemi imunitar të “shohë” tumorin dhe të mësojë ta sulmojë në të ardhmen.

Laura, e cila humbi gjuhën gjatë ndërhyrjes kirurgjikale, por rifitoi aftësinë për të folur e ngrënë falë një ndërhyrjeje rindërtuese, thotë se imunoterapia ka qenë “fenomenale”. “Nuk besoja se do të isha këtu për të treguar historinë time,” shton ajo.

Të dhënat nga studimi

Studimi klinik Keynote përfshiu 192 spitale në 24 vende, dhe u drejtua nga Universiteti i Uashingtonit në ShBA. Ai u financua nga kompania farmaceutike MSD.

Rezultatet do të prezantohen në Kongresin vjetor të Shoqatës Amerikane për Onkologjinë Klinike (ASCO).

Rreth 12,800 raste të reja me kancer në kokë dhe qafë diagnostikohen çdo vit në Mbretërinë e Bashkuar.

Historia e tyre nisi në reality show-n Për’puthen, ku Livia dhe Mevlani u shndërruan në një nga çiftet më të komentuar. Pas një romance të shpejtë dhe një ndarjeje që tronditi fansat, dyshja mori rrugë të ndara – por drama nuk përfundoi aty.

Pak kohë më vonë, Mevlani hyri në shtëpinë e Big Brother VIP, ku ndodhi një kthesë e papritur: iu tregua brenda shtëpisë se e dashura e tij jashtë ishte shtatzënë. Lajmi bëri bujë, por publiku nuk mori asnjë konfirmim, asnjë detaj, dhe më pas… heshtje totale.

❗️Asnjë foto, asnjë postim, asnjë informacion për beben apo nënën e saj.

Por ja ku vjen befasia e madhe: Livia, pas shumë kohësh larg vëmendjes, hedh një foto të ëmbël në rrjetet sociale ku falënderon… Mevlanin!

Fansat e çiftit të dikurshëm kanë shpërthyer në komente, duke aluduar se dyshja janë rikthyer bashkë.

💬 “Kjo do të thotë që shtatzënia ishte vetëm për skenar televiziv?”

💬 “Mashtrimi më i madh për famë?”

💬 “Si ka mundësi që pas gjithë asaj drame, janë sërish bashkë?”

Të gjitha rrugët çojnë në një përfundim: dikush ka gënjyer, dhe tashmë gënjeshtra po del në dritë.

🕵️‍♀️ A ishte shtatzënia një sajesë për vëmendje? A ka Mevlani lënë gjithçka pas për të nisur nga e para me Livian? Apo është kjo një tjetër lojë për show?

Koha do ta tregojë, por për një gjë jemi të sigurt: drama sapo ka nisur sërish.

Por sot asnje lajm nga Mevlani , klan Kosova ne bashkpunim me Mevlanin kan ber mashtrimin e shekullit

Një postim i bërë në rrjetet sociale, i cili përmbante kërcënime të rënda ndaj vajzës së Kryeministres Giorgia Meloni, ka tronditur opinionin publik dhe ka nxitur reagime të ashpra në të gjithë spektrin politik italian.

Një përdorues i Instagramit, i cili pretendohet se është punonjës i Ministrisë së Arsimit dhe Meritës (MIM), ka shkruar një mesazh ku i uron vajzës së vogël të Melonit “të njëjtin fat si Martina Carbonaro”, një vajzë nga Afragola që ndërroi jetë në rrethana tragjike.

Ky mesazh u shpërnda dhe u denoncua nga partia Fratelli d’Italia, e cila e cilësoi postimin si “të frikshëm dhe të papranueshëm”.

Kryeministrja Giorgia Meloni reagoi ashpër, duke e cilësuar incidentin si një tregues të “një urrejtjeje ideologjike të errët, që i ka kaluar të gjitha kufijtë”.

Ajo shtoi: “Nuk është më thjesht një përplasje politike. Është një klimë dhune që synon edhe fëmijët për të goditur prindërit. Politika duhet të bashkohet për ta ndalur këtë.”

Ministri i Arsimit, Giuseppe Valditara, ka urdhëruar kontrolle për të zbuluar identitetin e autorit të postimit dhe ka premtuar masa shembullore: “Asnjë tolerancë për dhunën,” tha ai.

Arianna Meloni, motra e Kryeministres dhe drejtuesja e sekretariatit të Fratelli d’Italia, reagoi me zemërim në rrjetet sociale: “Sa larg duhet të shkojmë? Dënimi duhet të jetë i fuqishëm dhe unanim. Motrës sime Giorgia dhe mbesës sime, përqafimi im më i ngrohtë.”

Reagime të forta kanë ardhur edhe nga figura të tjera politike: Galeazzo Bignami, president i deputetëve të FdI, kërkoi një “përgjigje shembullore”; Presidenti i Senatit, Ignazio La Russa, theksoi se “shprehja e urrejtjes ndaj një fëmije ofendon ndërgjegjen”; Ministri i Kulturës, Alessandro Giuli, kërkoi “vigjilencë dhe censurë nga të gjitha institucionet”.

Solidaritet me Melonin shprehën edhe përfaqësues të opozitës. Simona Malpezzi, senatore e Partisë Demokratike, tha: “Është e pabesueshme që dikush ngacmon një fëmijë për të sulmuar politikisht nënën e saj.” Ndërsa Pierferdinando Casini shtoi: “Solidariteti për vajzën e Kryeministres nuk duhet të jetë lajm – duhet të jetë një normë njerëzore.”

Michaela Biancofiore, senatore e grupit centrist në Senat, theksoi se “është frikacakëri të sulmosh një fëmijë dhe t’i urosh vdekjen me fjalë që nuk duhet të mendohen kurrë”.

Ngjarja ka ringjallur debatet mbi gjuhën e urrejtjes në rrjetet sociale dhe mbi përgjegjësinë e institucioneve për të mbrojtur jo vetëm zyrtarët e lartë, por edhe familjet e tyre nga sulme të tilla të ulëta dhe të rrezikshme.

I njohur për temperamentin e tij të fortë dhe fjalorin pa filtra, Milaim Zeka ka shpërthyer sërish në rrjetet sociale – këtë herë, në seksionin e komenteve në Facebook.

Në një postim që ngjalli shumë reagime, një komentues i drejtohet Zekës me fjalë fyese, por nuk e kishte llogaritur që gazetari dhe ish-deputeti nuk është nga ata që i kalon gjërat lehtë.

Pa shumë diplomaci, Milaimi ja kthen komentuesit me një shprehje që bëri xhiron e rrjetit:

🗣️ “Të q* nënën!”**

Komenti i tij u shpërnda me shpejtësi, duke shkaktuar reagime të shumta. Disa ndjekës e mbrojtën, duke thënë se “e ka vendin përgjigjja, kur s’të lënë rehat”, ndërsa të tjerë e kritikuan për fjalorin e rëndë publik.

Por kjo nuk është hera e parë që Zeka shpërthen në këtë mënyrë. Ai njihet për përballjet e drejtpërdrejta me kritikët, qofshin ata në studio apo në rrjete sociale. Këtë herë, duket se kupën ia mbushën komentet personale.

💬 “Mos e prekni me fjalë të ulëta, se do merrni përgjigje si burrat,” shkroi një komentues në mbështetje.

Milaim Zeka ende nuk ka bërë ndonjë reagim zyrtar pas viralizimit të komenteve, por një gjë është e sigurt: ai nuk është nga ata që hesht – dhe as nuk harron.