Një situatë e nxehtë është krijuar në Big Brother VIP Kosova, ku Alba dhe Bia janë përplasur keq me njëra-tjetrën. Gjithçka nisi pasi Alba kërkoi që Bia të largohej nga krevati, por kjo e fundit refuzoi, duke mos pranuar aspak kërkesën e saj. Debati mes dy vajzave u ashpërsua me tone të larta dhe provokime verbale, duke e çuar situatën deri në pikën e një sherri të mundshëm “kokë më kokë”.
Tensionet, sipas banorëve, kanë nisur që prej momentit kur Limi hyri në shtëpi, duke ndryshuar ekuilibrat dhe marrëdhëniet mes konkurrentëve. Ndërkohë, publiku është ndarë në mendime dhe po pret me interes zhvillimet e radhës.
