Një aksident i rëndë ka ndodhur pasditen e sotme në Elbasan ku për pasojë 3 persona kanë mbetur të plagosur.
Sipas policisë, aksidenti ndodhi në rrugën “Egnatia” ndersa automjeti me drejtues shtetasin E. S. është përplasur me automjetin me drejtues shtetasin I. N.
Nga aksidenti u dëmtuan dy drejtuesit e automjeteve dhe pasagjeri që ndodhej në njërin prej automjeteve. Të tre shtetasit u dërguan në spital për ndihmë mjekësore dhe ndodhen jashtë rrezikut për jetën.
Grupi hetimor po punon për sqarimin e plotë të rrethanave dhe shkakut të aksidentit.
